أفضل طريقة للتنبؤ بالمستقبل هى إنك تعمله انت!
من أيام شاهدت بعض الفيديوهات على اليوتيوب. كان إيلون ماسك بيتكلم عن إحتمالات المستقبل. وإن أفضل طريقة للتنبؤ بالمستقبل هى إنك انت اللى تعمل المستقبل نفسه!
النص اللى قاله هو “The best Way To Predict The Future Is To Create It” اللى معناها “أفضل طريقة للتنبؤ بالمستقبل هى إنك انت اللى تعمل المستقبل”. لما فكرت فى الجملة دى صدمتنى! التنبؤ بالمستقبل صعب جداً بس فإيدك إنك تغير بعض الحاجات اللى تخلى المستقبل زى ما انت عايز! فعلاً ده حقيقى..
جزء من مقالة على موقع ميديام
لو عايز تحضر فيديو إيلون ماسك اللى اتكلم فيه عن المستقبل واحتمالاته وإزاى تتوقع المستقبل عن طريق بناءه هتلاقيه على اليوتيوب ، احضره هنا.
كنت بتفرّج كمان على فيديو عن الحركات والخدع السحرية، إتفاجأت إن الحركات السحرية ما هى إلا تطبيق للمقولة دى. وهى إنك تتنبأ بالمستقبل عن طريق إن انت اللى تعمل المستقبل ده. يعنى تختار انت رقم خمسة فى الكوشتينة وتوهم الناس إنهم اختاروا وبعد كده تبهرهم لما تعرف اللى هما إختاروه! لكن فى الحقيقة إنت اللى اخترت مش همّ! 😮
اتفرّج على الفيديو ده وانت هتفهم اللى أنا أقصده إنك انت اللى بتختار اللى بيحصل فى المستقبل وبكده انت تقدر تتنبأ بالمستقبل.
فى البيزنس والشغل كمان، الحل الوحيد للتنبؤ بالمستقبل هو إنك تخترع جهاز للمستقبل أو تشترى الشركات اللى بتعمل أفكار قوية وإبداعية للمستقبل. زى ما عملت جوجل لما اشترت يوتيوب ﻷن المحتوى المسموع هو المستقبل بدل المحتوى المكتوب. وزى كمان ما عملت جوجل إنها اشترت الـ firebase والـ real-time database ﻷن البرمجة السحابية هى المستقبل. وكمان إهتمام جوجل بالهواتف الذكية والأندرويد فى كل خدمات جوجل ومنتجاتها ﻷن الموبايلات هى المستقبل فى كل مجالات التواصل بالتكنولوجيا الحديثة من اتصال وانترنت وتواصل وتسويق ودعاية.
كل الشركات الكبيرة بتعمل كده. زى ما آبل اشترت خدمة سيرى Siri المساعد الشخصى المشهور من آبل. إلا إنها اشترته من شركة ناشئة وكملت تطوير فى خدمة سيري بعد كده وضافت الخدمة لهواتف آيفون.
يعنى عايز المستقبل يكون إزاى؟ اعمل الحاجه اللى انت عايز المستقبل يبقى فيها. عايز المستقبل حلو، اعمله انت حلو. دى من المقولات اللى غيرت حياتى وتفكيرى فعلاً. ﻷنى بناءاً عليها نفذت وهنفذ حاجات كتير.
أتمنى ليكم النجاح والتفوق فى كل تفاصيل حياتكم. وأتمنى أنكم تعملوا مستقبل مبدع وجميل ومفيد ومشرق بشمس السعادة.
ده كان كلام بسيط عن مقولة عجبتنى وغيرت فيّ حبيت أشاركها معاكم. أشوفكم على خير فى بوست تانى هنا على موقع أبانوب حنا للبرمجيات. وإن أردت متابعة الموضوعات الجديدة انضم للقناة على تيليجرام .