ما هي الطريقة الصحيحة لتعلم اللغة الإنجليزية ؟

· · 430 كلمة · 3 دقيقة قراءة

فى مَقولة مشهورة بتقول:”Persistence is the master key” معناها إن الاستمرار هو المفتاح الشامل 🤔 الاستمرار فى التعلم والتجريب في مجال معين هو سر النجاح فى المجال ده 🤗

عشان تتعلم انجليزى صح، انت محتاج تبدأ وتستمر فى التعلم يومياً .. بمرور الشهور هتحس بتحسن قوي في لغتك الانجليزية .. لكن صدقنى لو درست افضل كورس مكثف لمدة شهر أو اتنين مش هتستفيد ع المدى البعيد.. لأنك أدركت حاجات كتير بشكل مؤقت لحد ما تمتحن فيهم وتمر الشهور وتلاقى نفسك رجعت شبه ما كنت 😨

انت محتاج تتعلم بشكل مستمر وتطبق.. يعنى تتعلم إنجليزي وانت بتقرا فى مجالك بالإنجليزي .. وانت بتسمع وتحضر فيديوهات فى مجالك بالإنجليزي.. تعيش الإنجليزي .. انت لما اتولدت ، اتعلمت عربى وانت بتتعامل مع الناس .. محدش قفل عليك اوضة وفضل يعلمك عربى لحد ما اتعلمت وبعد كده سابك تتعامل مع الناس .. حاول تمشى بالطرق الطبيعية .. اتعلم انجليزي بالممارسة مع الرجوع للمراجع وقت اللزوم .. المراجع فى حالة الانجليزي هى القاموس و مترجم جوجل و فيديوهات اليوتيوب .. وهكذا

لو عايز تتعلم برمجة.. حدد المجال والخطوات اللى هتعملها.. وابدأ واستمر كل يوم تتعلم.. لازم الاستمرارية.. من غير الاستمرارية بشكل منظم مش هتوصل انك تكون مبرمج إطلاقاً..الاستمرار هو أصعب ميزة لازم تتعلمها.. لازم تتعلم انك تستمر رغم الإحساس بالفشل أحياناً .. تستمر رغم الإرهاق.. تستمر رغم صعوبة الشئ اللى بتذاكره.. تستمر رغم ان الاستمرار نفسه مرهق وممل ..لازم تستمر في عمل تصميم موقع.. وتعيده.. وتحسن منه.. وتطور نفسك وتغيره تانى.. تفضل تستمر فى التطبيق والتغيير لحد ما توصل لنتيجة كويسه..

خد خبرة العملى .. واستمر فى التدريب فى مشروعات تانى..أى مجال بيحتاج لوقت طويل من الجهد المستمر للوصول إلى النجاح فيه .. أوعى توهم نفسك انك ناجح طالما مش مستمر فى التعلم والتدريب يومياً .. لان بدون الاستمرار فى التعلم والتدريب هييجى وقت تكون انت فيه ضعيف فى مجالك رغم انك كنت قوى زمان 😳

في مقولة مشهورة في علم النفس بتقول:”Deliberate continuous effort leads to miracles“ومعناها المجهود المستمر بتركيز بيوصل للمعجزات ❤ و مايكل انجلو بيقول “لو عرفت المجهود المبذول فى أعمال مكنتش هتنبهر بمجالها” 😰 انت محتاج تبذل مجهود مستمر فى اتجاه معين (مجال معين) عشان توصل لدرجة الإتقان والإبتكار اللى صعب حد يوصله بمجرد مجهود متقلب غير مستمر أو مجرد دراسة نظرية 🤨

هتدرك الكلام ده متأخر شوية.. لكن الأفضل انك تحاول تستوعب ان المجهود المستمر فى مجال واحد هو الحل للوصول للنجاح ✋

لو مش مقتنع ادرس حياة الناجحين زى ستيف جوبس ، بيل جيتس ، سوندار بيتشاى ، إيلون ماسك_ ، ألبرت أينشتاين ، لارى بيدج ، جيف بيزوس ، مايكل انجلو ،.. وغيرهم من العلماء وأصحاب الشركات والأفكار ورؤساء الشركات 😉

اقرأ الخطوات الصحيحة لتعلم اللغة الإنجليزية .

مشاركة: