استخدام ذاكرة التخزين مباشرةً يزيد من سرعة تحميل ألعاب الفيديو

في فيديو مبهر على قناة Linus Tech Tips تكلم أنتوني (Antony) عن تقنية طرحتها شركة مايكروسوفت وشركة سوني. هذه التقنية تسمح بإستخدام ذاكرة التخزين (SSD) مباشرةً. وهذا يعني أن الصور والـ textures في الألعاب يتم قراءتها من وحدة التخزين الداخلية (SSD) إلى كارت الشاشة مباشرةً (GPU) مما يزيد من سرعة تحميل الألعاب.

وهو ده مختلف عن اللي بيحصل حالياً؟ 🔗

أيوه ، زي ما انت شايف في الصورة دي 👇 الطريقة القديمة اللي كل الألعاب شغاله بيها هي No DirectStorage يعني بيتم قراءة الصور والـ textures من وحدة التخزين SSD من خلال المعالج CPU إلى الرامات RAM وبعدها يقراها المعالج إلى كارت الشاشة.

“ودنك منين يا جحا” زي ما بنقول في مصر. الطريقة القديمة مقارنة بالطريقة الجديدة تعتبر بطيئة جداً وتحتاج إلى رامات أكثر داخل كارت الشاشة (VRAM) ، لكن الطريقة الحديثة DirectStorage تحتاج إلى رامات أقل داخل كارت الشاشة وبكده تقدر تشغل ألعاب حديثة على كارت شاشة مساحة راماته قليلة.

زي ما انت شايف في الصورة دي 👇 تحميل ألعاب الفيديو بطريقة الـ DirectStorage أسرعة بكثير من الطريقة القديمة. الطريقة الحديثة أخدت ٨ ثواني بس لتحميل لعبة حجمها ٥ جيجا بايت ، لكن نفس اللعبه دي بالطريقة القديمة أخدت ٣٣ ثانية عشان تحمل.

ممكن تكون شايف إن الفرق بسيط ومش مستاهل. لكن الحقيقة إن الفروق دي بتظهر جداً لما تستخدم برامج جرافكس معقدة زي AutoCAD و Cinema 4D و Solid Works و Blender وغيرها من برامج الجرافكس، والألعاب المليئة بالتفاصيل الدقيقة.

إن كنت تفضل مشاهدة الفيديو أكثر من قراءة المقالات، اشترك في القناة على اليوتيوب من هنا . إن كنت تستخدم برنامج تليجرام ، يُمكنك الاشتراك في قناة تليجرام للحصول على الموضوعات الجديدة. لمزيد من المعلومات عن البرمجة ولينكس وأندرويد وويندوز وماك وآيفون وتصميم المواقع، ابحث عن “موقع أبانوب حنا للبرمجيات” على جوجل وادخل للموقع وستجد موضوع جديد يشرح فكرة أو معلومة جميلة ومفيدة كل يوم.