لغة الفرانكو واستخداماتها وطريقة ترجمتها

· · 349 كلمة · 2 دقيقة قراءة

في بداية انتشار الأجهزة الإلكترونية لم تكن تدعم الكتابة باللغة العربية ، فإخترع الشباب لغة جديدة للتواصل باللغة العربية ولكنها مكتوبة بالحروف والأرقام الإنجليزية.

مثال : لو هنكتب كلمة “يا عرب” بالفرانكو ، هنكتبها كده “ya 3rb”. يعني استخدمنا الأصوات المنطوقة بالعربي وحولناها لأقرب حرف نطقه قريب منه. لكن في حروف مش موجود شبهها في النطق في الإنجليزي زي مثل حرف العين (ع) ؟ في الحالة دي احنا بنستخدم الأرقام ، يعني بدل العين نستخدم الرقم 3 لأنه في شبه من العين في الشكل.

هتستخدم الفرانكو في ايه ؟ 🔗

استخدامات لغة الفرانكو كانت كتيرة زمان لكن حالياً قلت شوية لكنها لازالت موجودة. لذلك من الأفضل إنك تكون عارف تقرا فرانكو ع الأقل عشان لما تيجي قدامك كلمة أو رسالة بالفرانكو تعرف ايه معنى الكلام.

طب ايه هي الحالات اللي هتستخدم فيها الفرانكو ؟ 🔗

  • لو جاتلك رسالة على ماسنجر مكتوبة بالفرانكو ، هتحتاج إنك تقراها
  • لو شوفت تعليق على بوست بالفرانكو ، هتحتاج تقرا التعليق الفرانكو عشان تفهم بيقول ايه
  • بعض المحلات بيكتبوا اسم المحل بالفرانكو ، عشان تقرا اسم المحل لازم تعرف فرانكو
  • لو جاتلك رسالة على صراحة مكتوبة بالفرانكو ومش عايز حد يقراها غيرك ! إما تتعلم فرانكو أو تستخدم أداة ترجمة الفرانكو
  • لو في تطبيق أو نظام تشغيل مبرمج بطريقة تخليه مش بيدعم اللغة العربية ، ممكن تستخدم الفرانكو عشان تكتب بالعربي
  • لو انت مهتم بألعاب الفيديو أو أنت gamer أصلاً ، هتحتاج لغة الفرانكو لأن في جيمرز بيكتبوا بيها في الشات
  • لو انت عندك صديق ع الفيس بيحب يكتب بالفرانكو
  • لو عندك آسك (ask) هتحتاج لغة فرانكو ، لأن في ناس كتير بتستخدمها ع الآسك

ليه تتعلم فرانكو ؟ 🔗

زى ما قولنا في استخدامات الفرانكو إن في حالات كتير هتلاقي نفسك محتاج تقرا فرانكو ، وبعض الحالات هتحتاج تكتب فرانكو. عشان كده الأفضل إنك تتعلم الفرانكو. لكن أنا مش عايز اتعلم الفرانكو أنا كده كده مش هكتب بيها لكن محتاج أترجمها ؟

ممكن تستخدم أداة ترجمة فرانكو إلى عربي أو عربي إلى فرانكو بسهولة وبدون ما تتعلم لغة الفرانكو. خليك عارف الأداة دي لأنك من الأفضل إنك تترجم الرسايل اللي مكتوبة فرانكو عليها أفضل من إنك تضطر تبعت الرسالة لصاحبك عشان يترجمهالك مثلاً!

مشاركة: