سجل اعتراضك أو موافقتك بـ فلوسك

فكرة التصويت بالفلوس أو الـ dollar voting هي فكرة مشهورة جداً اقتصادياً وسياسياً. تعرّفها ويكيبديا كالتالي:

Dollar voting is an analogy that refers to the theoretical impact of consumer choice on producers’ actions by means of the flow of consumer payments to producers for their goods and services.

للأسف هذه الصفحة على ويكيبديا غير مترجمة للغة العربية. ودي الترجمة للمقتطف.

“التصويت بالدولار هو تشبيه يشير إلى التأثير النظري ﻹختيار المستهلِك على أفعال الصُنَّاع من خلال مدفوعات المستهلكين للصناع والتجار على منتجاتهم وخدماتهم”

الفكرة بإختصار هي أن تشتري منتج معين ثم تعرف إن كان جيد بالنسبة لك أدعو الآخرين في مجتمعك أن يشتروه وأنت كرر شراؤه إن احتجته. أما إن كان المنتج سيئ فأطلب استرجاع المنتج وأخبر مجتمعك بتجربتك السيئة مع المنتج.

إن فعل عدد كبير من الناس هذا السلوك داخل مجتمع واحد ، سيحترم السوق رأي هؤلاء المستهلكين ويقدم لهم ما يروق لهم.

إن كنت ترفض تسمية أكلة مصرية كـ أكلة عربية ، ستقوم بعض المطاعم بإعادة تسميتها بالشكل الصحيح كـ أكلة مصرية ﻷن هدف المطعم في النهاية هو إرضاء المستهلكين وزيادة الطلبات والأرباح.

ليه تسجل إعتراضك أو موافقتك بالفلوس ؟ 🔗

• الكلام مش كفاية

لو كنت بتتكلم أو بتكتب لكن مفيش إحصائيات حقيقية تدل إن دي إختيارات عدد كبير من الناس ، مفيش أي شئ هيحصل. لازم يكون عدد كبير من الناس بيشتري المنتج الكويس وعدد أقل بيشتري المنتج الوِحش. وبكدة المنتج الوِحش يختفي من السوق بمرور الوقت.

• الفلوس هي أكسجين السوق

إحنا عايشين في سوق رأسمالي ، يعني أهم حاجة فيه هي تدفقات رؤوس الأموال. لو إحنا وجهنا فلوسنا حسب آرائنا هنكون مؤثرين، وهيكون سوق السلع مناسب مع قيمنا وآرائنا وتقاليدنا.

إيه أهمية إنك تختار بـ فلوسك ؟ 🔗

التصويت بالفلوس 🔗

توضيح وإظهار وجهة نظرك بيظهر في عمليات شراء المنتجات اللي انت موافق عليها ، وقلة شراء المنتجات اللي انت مش موافق عليها. اشتري المنتجات المحلية وشجع صناعة بلدك ، لا تشتري منتجات الشركات المؤذية للبيئة ، .. إلخ.

أكد على مبادئك وهويتك وتقاليدك 🔗

لما تشتري منتجات متوافقك مع آرائك ومبادئك ، وما تشتريش المنتجات الغير متوافقك مع مبادئك وآرائك ، المنتجات المتوافقة مع مبادئك هتكتر وتنتشر واللي مخالفة لمبادئك هتقل وممكن تنعدم. طبعاً لو ده سلوك عدد كبير من المجتمع اللي انت عايش فيه هيكون التأثير أكبر وأسرع.

لو بتشتري ملابس وإكسسوار فيه اللمسة الجمالية المصرية والزخارف المصرية القديمة ، هتزيد المنتجات اللي لها الطابع المصري الأصيل. لكن لو فضلت الملابس والإكسسوارات الأخرى هتقل المنتجات اللي لها طابع الهوية المصرية.

لو بتشتري أكل مصنع كتير وتسيب الأكل الصحي الطازة ، هتزيد المنتجات اللي فيها لحوم مصنعة وتقل اللحوم الطازة. وده هيأثر في صحة أفراد مجتمعك وبالتالي المجتمع كله هيتأثر بمرور الوقت.

اختار بفلوسك هتدفع كام 🔗

لما المنتجات تغلى بشكل مبالغ فيه ، وانت وعدد كبير من مجتمعك تستبدلوا المنتج الغالي ده بمنتج آخر أقل سعراً. الشركات المنتجة هتقلل السعر أو هتقفل. وبكدة تحافظ على نفسك ومجتمعك من استغلال الشركات واحتكار السلع.

أتمنى أن تكون قد استفدت من الموضوع ، إن كنت تعرف أي شخص يُمكنه الإستفادة من هذه المعلومات، ارسل له رابط هذا المقال. إن أردت معرفة الموضوعات الجديدة بعد نشرها مباشرةً على موقع أبانوب حنا ، تابعني على يوتيوب و تيليجرام ، و فيسبوك ، و واتساب .