ليه الأشهر يبيع أكثر من المنافس الأجود والأرخص ؟

· · 230 كلمة · 2 دقيقة قراءة

هناك مقولة مشهورة جداً وهي “الأشهر يبيع أكثر من المنافس الأجود والأرخص .. التسويق (الترويج) مابيهزرش”. ليه العبارة دي صح؟ ايه الميزة في الشهرة؟! .. الناس كده كده هتجرب والإتنين وتعرف الفرق ويختاروا الأجود أو الأرخص حسب القدرة الشرائية بتاعتهم.

انت عشان تبيع محتاج الناس تعرفك ، ولما تكون المشهور الناس طبعاً هتكون عرفتك .. لأنك مشهور. وعشان تبيع لازم الناس تشتري منك وباقي الناس يشوفوا الناس وهي بتشتري منك وبيتكلموا انهم اشتروا منك. وبكده توصل لكل الفئات المستهدفة في السوق. وبكده تكون انت أكتر واحد بتبيع في السوق لأنك الأشهر.

عشان واحد من المنافسين يتفوق عليك لازم يستخدم أساليب توعية العميل بالجودة ودي بتاخد وقت ومجهود كبير .. م الآخر كده صعب تواجه الشهرة. لأنك لما تكون مشهور، تكسب كتير، وتقدر تطور من نفسك وتقلل سعرك أو تعلي جودة المنتج أو الإتنين. يعني هتتفوق على المنافس الأجود والأرخص بسهولة طالما أنت الأشهر.

التسويق أصلاً بيبدأ بالوصول للفئة المستهدفة (الإنتشار) ، وبعدها تبدأ في مرحلة البيع والإهتمام بالعميل وتكوين سُمعة حسنة بين العملاء المستهدفين. والشهرة بتحقق أول وأهم خطوة من خطوات النجاح وهي الإنتشار ومعرفة الفئة المستهدفة بيك وبمنتجاتك وخدماتك.

إن كنت تفضل مشاهدة الفيديو أكثر من قراءة المقالات، اشترك في القناة على اليوتيوب من هنا . لمزيد من المعلومات عن البرمجة ولينكس وأندرويد وويندوز وماك وآيفون وتصميم المواقع، ابحث عن “موقع أبانوب حنا للبرمجيات” على جوجل وادخل للموقع وستجد موضوع جديد يشرح فكرة أو معلومة جميلة ومفيدة كل يوم.

التصنيفات: تسويق ودعاية
مشاركة: